ل ڕۆژا ئێکشەمبێ ڕێکەفتی ٢٧/٢/٢٠٢٢ ل ژێر چاڤدێریا بەڕێز (پ.د.ناظم سلیمان عبدالعزیز) سەرۆکێ زانکۆیا زاخۆ، و جڤاتا زانکۆیێ و ماموستا و قوتابیێن بەڕێز و ھەژمارەیەکا مێھڤان و پشتەڤانێن وەرزشی، قارەمانیا زانکۆیێن ھەرێما کوردستانێ بۆ یاریا باسکتبۆڵێ ل ھۆڵا وەرزشی یا زانکۆیا زاخۆ دەستپێکر.

ئەڤ قارەمانییە بۆ چوارەم جارە دھێتە ئەنجامدان، و بۆ ساڵا ٢٠٢٢ زانکۆیا زاخۆ مێھڤانداریا وێ کریە و ب بەشداریا ھەژمارەیەکا زانکۆیێن ھەرێما کوردستانێ، کۆ پێکدھێن ژ زانکۆیێن (زاخۆ، دھۆك، سلێمانی، سەڵاحەدین، تیشك، ئەمریکی، کۆمار).

د یاریا ئێکێ یا ڤێ قارەمانیێدا، زانکۆیا زاخۆ بەرامبەر زانکۆیا سڵێمانی بوو د ئەنجامدا زانکۆیا زاخۆ شیا ب ئەنجامێ (٧٧خالان) بەرامبەر (٧٤خالان) سەرکەفتنێ ل سەر تیما زانکۆیا سلێمانی تۆماربکەت. 

 بۆ زانین ل دویڤ خشتێ قارەمانیێ یاری دێ د بەردەوامبن ھەتا ئێکەمێ قارەمانیێ دیاردبیت.